القائمة الرئيسية

الصفحات

- على بعد متر واحد من ثروة عظيمة - قصة رائعة وفيها عبرة .. باللهجة العامية ..


نقدم لكم اليوم قصة من افضل القصص الواقعية ..
قصة فيها عبرة وحكمة مهمة بحاتنا.. وكيف لازم نتخذ القرار الصح او الغلط وطريقة تفكرينا وتعاملنا مع هيك قرارات..


قص حصرية من موقعنا "كتابات وقصص"
قصة مميزة ومن كتابتنا ، والافضل انها باللهجة العامية وفيها شوية حكي ضريف..








- على بعد متر واحد من ثروة عظيمة -
قصة رائعة وفيها عبرة .. بالهجة العامية ..


كان يامكان وفي يوم من الأيام..
وفي بلد عربي مميز كان في زلمة اشترة ارض صحراء مافيها ولا عود وحجر على حجر ، بس كانت محيطة بحيطان وكانت مساحتها كبيرة شوي وحكولو ناس عنها إنو:


"روح شتريها فوراً هي ارض مليانة دهب يازلمة بكرا بتجبلك شوية ألات وشوية خبراء بالدهب ومنستخرجو ومنصير من أغنى العالم، - لك شتريها حتى لو شو ماكان سعرها بتكون انت الربحان ، هاد صاحبها مابيفهم ولو بيعرف إنو فيها دهب ماكان باعها"


فكر الزلمة ورجع بعد فترة قصيرة وهون قرر إنو يشتريها مع انها، "فارغة ومو مبين عليها شي" وبعد المفاوضات واخد وعطا حتى تمت صفقة بيع الأرض وشتراها صاحبنا ، وراح لأهلو وهو فرحان ومتفائل وإنو رح يصير مليونير !! لا شو ملونير ، مليار دير !!


وبعدها فوراً صاحبنا راح وشترى شوية آلات وجاب عمال وخبراء..
وبالفعل اكتشفو إنو فيها "دهب" هون الزلمة صاحبنا قام يبكي من الفرحة وقال الحمدلله بداية المشوار حتى صير مليادير ،، ومو سائل عن حدا !!



وهيك بالفعل صاحبنا مكيف ومبسوط عندو اكبر منجم من الدهب وعم يطالع كل يوم بالملايين من هالارض الي اشتراها بمبلغ بسيط ، بسيط ولا سبونج ..

اي وبعد فترة قصيرة وصاحبنا عاساس منجم ومصدق حالو ، مضا كم يوم واكشتفو إنو بدات كميات الذهب تقل عليهم شوي شوي !!


بالفعل حتى يوم بعد يوم اختفى الذهب من المنجم !!
ماعاد يشوفو الذهب فيه بتاتاً بتاتاً ، هون صاحبنا قرر إنو يبيع الارض ، وقال لحالو خلص الدهب فيها ماعاد الي فيها شغل ، قال للعمال يلا كل واحد عبيتو ، وباع اللآت وباع الارض كمان بعد ما جمع شوية دهب..


وبالفعل صاحبنا باع الارض لشخص غيره وراح عبيتو..
هون إجا صاحبنا الثاني وقال لحالو ولله هاد لابيعرف بالدهب ولاشي "منجم وبيفضى" حكي فاضي مستحل ، لأنو كانو ناس قايليلو إنو هاد عندو منجم دهب كبير وبعد ما استخرج منو شوية دهب ، ضن انو خلص الدهب فيه المسكين !!


فلما شتراه صاحبنا الجديد راح جاب خبراء افضل ومدري شو..
وجاب آلات افضل وناس ودنيا وهوي متفائل إنو خلص ، هاد منجم يعني منجم ولسا ماخلص الدهب منو... وبدأ على بركة الله.. فلما بدئو العمال بالحفر هنا كانت الصدمة لصاحبنا الجديد والعمال والخبراء كمان !!


لك هون الخبراء ماكانو خبراء بعقل، لك كان هدول "جن" والعياذ بالله..
لسا ماطل على الارض وبحبش فيها شوي قال لصاحبنا الجديد المتفائل والواثق:

انو المنجم لسا مليان وفيه خير الله دهب ، لكن صاحبنا القديم كان مابيفهم "دابة" باع الارض بدون مايجيب خبراء افضل من الي جابهم !!


- وشو كانت القصة ليش انقطع على صاحبنا القديم الدهب ؟!!
= هو ما انقعط من الاساس لكن الخبراء يلي جابهم ماعندهم خبرة زيادة ونهدم شوي من الانفاق على الدهب وماعاد يبين عليهم وقالو لحالهم إنو "نفذ الذهب " !!



فا هون قال صاحبنا الجديد للخبراء :
- يلا هاتو فرجوني شطارتكم وبلشو شغل بدي الدهب يمطر علينا..


- فاهون بدئو السعادين الجدد اااا قصدي الخبراء الجدد بالحفر ولسا ماحفرو متر واحد بدا يطلع عليهم الدهب !! لا وبكميات اكبر من المرة القديمة قبل الهدم ..


هون كيف صاحبنا المتفائل والواثق..
وصار يطلع من هالدهب بالمليارات ، فانتشرت حكاية الزلمة وصارت العالم بتعرف القصة كلها..


- فا من واحد لواحد .. وصل الحكي لصاحبنا القديم !
ولما عرف جن جنانو ، وراح فوراً لصاحبنا الجديد يلي باعو الارض ..


فلما قابلو بعض وصار يتفرج على كميات هاالدهب وكيف صاحبنا الجديد عم يطالع منو بكميات كبيرة اكثر من ماكان هو يطالع منو !!


هون صاحبنا الجديد سئل صاحبنا القديم ..
وقاللو : بلاه عليك مانك ندمان لأنك بعتنياه ؟!!


فارد عليه صاحبها القديم : وقاللو ، لاولله مو ندمان ولا شيء ، لكن جيتك مشان اشوف خيبتي وشلون تصرفت من عندي ، ومارح انسى انوكنت على بعد متر واحد من ثروة عظيمة من الذهب !!



تمت



العبرة من القصة :
إنو.. "لاتتفهمن بشيء مابتعرف فيه ولما تواجه هيك شي لاتستشير خبراء وناس متلك او شو ماكانو"

- بل " إستشير رب الخبراء ، فهوا أعلم منا جميعاً "



-

| للمزيد من القصص تابع الموقع.. وشاهد القصص الثانية من تحت ↓

هل اعجبك الموضوع :
author-img
الصفحة الرسمية لكتابات نهتم بنشر افضل التصاميم والكتابات والكتابات الدينية او الحب او العادية والاقتباسات والخواطر و العبارات

تعليقات

تعليق واحد
إرسال تعليق

إرسال تعليق